ក្រុមការងារទទួលខុសត្រូវពលករចំណូលស្រុក មកពីប្រទេសថៃ ទទួលបងប្អូនពលករ ពលការនីចំនួន ៦០នាក់
កំពង់ចាម៖ ក្រោយពីទទួលបានការចាត់តាំងពី ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងនឹងជំងឺកូវីដ-១៩ ក្រុមការងារទទួលខុសត្រូវពលករចំណូលស្រុក មកពីប្រទេសថៃ នាព្រឹកថ្ងៃទី២៦ ខែធ្នូ ឆ្នាំ២០២០នេះ លោកឧត្តមសេនីយ៍ត្រី សិត សិលា ស្នងការរងផែនការងារអន្តោប្រវេសន៍ តំណាងលោកឧត្តមសេនីយ៍ទោ ស្នងការនគរបាលខេត្តកំពង់ចាម បានចូលរួមអមដំណើរជាមួយ ឯកឧត្តម កែវ នាឫទ្ធិ អភិបាលរងខេត្ត និងជាប្រធានក្រុមការងារ បានដឹកនាំក្រុមការងារ ទៅទទួលបងប្អូនពលករ ពលការនីចំណូលស្រុកមកពីប្រទេសថៃចំនួន ៦០នាក់ ដែលកំពុងសម្រាកនៅវិទ្យល័យកូប ស្រុកអូរជ្រៅ ខេត្តបន្ទាយមានជ័យ។
ក្រុមការងារទទួលខុសត្រូវពលករចំណូលស្រុក មកពីប្រទេសថៃ និងធ្វើការដឹកជញ្ជូនពលករ ពលការនីខាងលើ ទៅកាន់ខេត្តកំពង់ចាម តាមជើងរថយន្តកងទ័ពចំនួន ០៣គ្រឿង ដើម្បីឲ្យពួកគាត់បន្តធ្វើចត្តាឡីស័ករយៈពេល ១៤ ថ្ងៃ ទៅតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ការចម្លង និងការរីករាលនៃជំងឺកូវីដ-១៩ កុំឲ្យកើតមាននៅក្នុងសហគមន៍យើង៕
