ឧត្តមសេនីយ៍ទោ ថូ ភ័ត្រា អនុប្រធាននាយកដ្ឋានច្រកទ្វារទី២ អញ្ជើញចុះមកប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន ដើម្បីត្រួតពិនិត្យ ចែកម៉ាស និងពង្រឹងការងារគ្រប់គ្រងតាមគោលដៅប្រតិបត្តិការរបស់ប៉ុស្តិ៍
តាកែវ៖ នៅថ្ងៃសៅរ៍ ០៧កើត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២០ ខែមីនា ឆ្នាំ២០២១ វេលាម៉ោង ០៩និង៣០នាទីលោកឧត្តមសេនីយ៍ទោ ថូ ភ័ត្រា អនុប្រធាននាយកដ្ឋានច្រកទ្វារទី២ ជាតំណាងឯកឧត្ដម ឧត្ដមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ អញ្ជើញចុះមកត្រួតពិនិត្យ និងពង្រឹងការងារគ្រប់គ្រងតាមគោលដៅប្រតិបត្តិការ របស់ប៉ុស្តិ៍នគរបាលបាលច្រកទ្វារព្រំដែនអន្តរជាតិភ្នំដិន។
លោកឧត្តមសេនីយ៍ទោ ថូ ភ័ត្រា បានចុះល្បាតក្ដាប់សភាពការណ៍នៅក្នុងភូមិសាស្ត្រ ប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិនដើម្បីទប់ស្កាត់រាល់ការលួចឆ្លងដែនដោយខុសច្បាប់។
បន្ទាប់មកលោកឧត្តមសេនីយ៍ទោ បានឧបត្ថម្ភម៉ាសដល់កងកម្លាំងប្រចាំការ និងចែកម៉ាសដល់អាជីវករផ្លាស់ប្តូរទំនិញ នៅតំបន់ព្រំដែនផងដែរ។
លើសពីនេះលោកក៏បានណែនាំឲ្យមន្ត្រីប៉ុស្តិ៍ ចូលរួមចាក់វ៉ាក់សាំងការពារជំងឺកូវីដ-១៩ តាមគោលការណ៍ស្ម័គ្រចិត្តឲ្យបានគ្រប់ៗគ្នានិងបានជំរុញឲ្យកងកម្លាំងទាំងអស់ ត្រូវអនុវត្តឲ្យបានខ្ជាប់ខ្ជួន នូវវិធានការអនាម័យការពារខ្លួន ឲ្យរួចផុតពីការឆ្លងជំងឺកូវីដ-១៩ តាមប្រសាសន៍ណែនាំរបស់ប្រមុខរាជរដ្ឋាភិបាល ក៏ដូចជាគោលការណ៍ក្រសួងសុខាភិបាល គឺ ៣ការពារ និង៣កុំ៕
