ចំនួនអ្នកវិជ្ជមានវីរុសកូវីដ-១៩ថ្មី មាន ៣៤៤នាក់ និងជាសះស្បើយមាន ២៩នាក់
ភ្នំពេញ ៖ នៅថ្ងៃទី១៤ ខែមេសា ឆ្នាំ២០២១ មានករណីវិជ្ជមានវីរុសកូវីដ-១៩ថ្មី ចំនួន ៣៤៤នាក់ និងមានករណីជាសះស្បើយចំនួន ២៩នាក់ គឺជាអ្នកពាក់ព័ន្ធទៅព្រឹត្តិការណ៍សហគមន៍ ២០កុម្ភៈ និង០៣នាក់ទៀតជាអ្នកដំណើរមកពីបរទេស។
យោងតាមសេចក្តីប្រកាសព័ត៌មាន របស់ក្រសួងសុខាភិបាលនាថ្ងៃទី១៥ ខែមេសា ឆ្នាំ២០២១ នេះថា អ្នកមានវីរុសកូវីដ-១៩ សរុបចំនួន ៥,២១៨នាក់, អ្នកព្យាបាលជាសះស្បើយ សរុបចំនួន ២,៣១៩នាក់, អ្នកកំពុងសម្រាកព្យាបាល សរុបចំនួន ២,៨៥៨នាក់ និងអ្នកស្លាប់ចំនួន ៣៦នាក់៕
