តំណាងឯកឧត្ដម ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ អញ្ជើញដឹកនាំកម្លាំង ទៅគោរពវិញ្ញាណក្ខន្ធសពលោកវរសេនីយ៍ទោ ចាន់ សំបូរ នាយរងប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន
ភ្នំពេញ៖ នាថ្ងៃពុធ ១៤រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៩ ខែមិថុនា ឆ្នាំ២០២១ ដោយមានគោលការណ៍ដឹកនាំដ៏ខ្ពង់ខ្ពស់ពី ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ ក្រុមការងារនៃអគ្គនាយកដ្ឋានអន្តោប្រវេសន៍ ដឹកនាំដោយ លោកឧត្តមសេនីយ៍ទោ ថូ ភក្រ្តា អនុប្រធានប្រធាននាយកដ្ឋានច្រកទ្វារទី២ តំណាងដ៏ខ្ពង់ខ្ពស់ ឯកឧត្ដម ឧត្តមសេនីយ៍ឯក ប្រធាននាយកដ្ឋាន បានដឹកនាំកម្លាំង ទៅគោរពវិញ្ញាណក្ខន្ធសពលោកវរសេនីយ៍ទោ ចាន់ សំបូរ នាយរងប៉ុស្តិ៍នគរបាលច្រកទ្វារព្រំដែនអន្តរជាតិភ្នំដិន។
ក្នុងឱកាសនោះដែរ ក្រុមការងារបាននាំយកថវិកាមួយចំនួនសម្រាប់ចូលបច្ច័យ និងរំលែកទុក្ខដល់គ្រួសារសព នូវថវិកាមួយចំនួនមាន៖ ថវិកាសមាគមមិត្តនគរបាលចំនួន ៦លានរៀល, ថវិការបស់អគ្គនាយកអន្តោប្រវេសន៍ចំនួន ៤លានរៀល, ថវិការបស់ឯកឧត្តម ឧត្តមសេនីយ៍ឯក សារិន សារីណូ ប្រធាននាយកដ្ឋានច្រកទ្វារទី២ ចំនួន ១លានរៀល និងថវិកាសាមគ្គីរបស់នាយកដ្ឋានច្រកទ្វារទី២ចំនួន ៦០ម៉ឺនរៀល សរុបថវិកាចូលរួមរំលែកទុក្ខមានចំនួន ១១,៦០០,០០០រៀល៕
